Ауғанстанда Иранның халықаралық көрмесі ашылды

Ирандық тауарларды ұсынатын халықаралық көрме Ауғанстанның Герат қаласында осы қаладағы Иранның бас консулы мен қала басшыларының қатысуымен ашылды.

Гераттағы Иранның бас консулы Махмуд Афхами Рашиди осы аймақты Ауғанстан батысының экономикалық ошағы деп атап, осындай көрмелер өткізуді екі ел арасындағы достықты кеңейту мен күшейту үшін пайдалы деп бағалады. Герат жергілікті басқармасының өкілі Ахмад Шұғайып Масуми да Иран мен Ауғанстанның байланысын баянды деп атап, осындай көрмелер өткізудің байланыстарды одан әрі күшейтетінін мәлімдеді.