Шамс әл-Эмаре – Теһранның Насер Хосроу көшесіндегі тарихи ғимараттардың бірі. Бір кездері бұл Иран астанасының ең биік ғимараттарының бірі болған. Насреддин шаһ Еуропаға сапар шегерден бұрын, Батыс мемлекеттеріндегі биік ғимараттардың суреттерін көріп, өзі мен әйелдері биіктен Теһран қаласы мен оның айналасын тамашалау үшін хиджри қамари күнтізбесі бойынша 1282-ші жылы Моайар әл-Мамолекке астанасында биік ғимарат салуды бұйырған көрінеді.

Ол жұмысқа жылдам кірісіп, Әли Мұхаммад Каши секілді танымал сәулетшілердің жобаларын пайдаланып, хиджри қамаридің 1284-ші жылы құрылыс жұмыстарын аяқтады. Ғимаратты «Шамс әл-Эмаре» деп атады.