Барлық мақтау бүкіл әлемнің Раббы Аллаға тән.

الحمد للَّه ربّ العالمین

Барлық мақтау бүкіл әлемнің Раббы Аллаға тән.

Алланың есімі мен Оны еске алудан кейінгі бірінші сөзіміз – Аллаға шүкір ету. Жансыз заттар мен өсімдіктер әлемі немесе жан-жануарлар әлемі, көк пен жер болсын, бүкіл ғаламның өсіп-өркендеуі Алладан. Иә, Ол араға қандай өсімдіктермен қоректену керектігін, омарта салуды үйретті. Ол құмырсқаға қысқы күш-қуатын сақтауды үйретті. Бидай дәнінен масақ, алма дәнінен алма ағашын өсіретін де Сол. Ғажап аспанды жаратқан және оның әрбір планетасына белгілі бір жол белгілеген де Алланың өзі. Алла Тағала бізді судан жаратып, ананың құрсағында өсіріп,  туылғаннан кейін ол денемізді аурудан қорғай алатындай етіп өсіруге жағдай жасады. Немесе сынған сүйек қалпына келетіндей және қажет кезде қан жаңаратындай мүмкіндік берді.

Бірақ біздің физикалық өсуіміз ғана емес, сонымен қатар біздің жанымыз бен санамыздың тәрбиесі де Оның қолында. Ол бізге ақыл мен ойлау қабілетті берді және бізді тәрбиелеу үшін илаһи пайғамбарлар мен кітаптарды жіберді.

Біз бен жаратылыстың Аллаға мұқтаж болуымыз тек жаратылуымыз  үшін ғана емес, біздің өсіп-өнуіміз үшін де байланысты. Оның жаратылыстарымен қарым-қатынасы тұрақты. Сондықтан оның нығметтеріне әрқашан шүкіршілік етуіміз керек. Бұл дүниеде ғана емес, қиямет күні де жәннат тұрғындарының сөзі «Барлық мақтау бүкіл әлемнің Раббы Аллаға тән» болады.