Хазірет Аббастың өміріндегі құлшылық белгісі

Шағбан айының төртінші жұлдызы – «Хашим әулетінің айы» деп атанған хазірет Аббас бен Әлидің туған күні. Хазірет Аббастың туған күні құтты болсын!

Шағбан айының төртінші жұлдызы – «Хашим әулетінің айы» деп атанған хазірет Аббас бен Әлидің  туған күні.

Әбу әл-Фазыл әл-Аббастың есімін естігенде, сіз еріксіз қолыңызды кеудеңізге тигізесіз. Шиит пе, суннит пе, армян ба, зартушт пе, маңызды емес. Ол бәріне белгілі және бәрінің жүрегінде. Размик Акопян: «Сүйіспеншілік, махаббат, батылдық, адалдық және жомарттылық -  әртүрлі діндердегі адамдардың мінез-құлқында болуы керек қасиеттер. Бұл қадір-қасиеттерді Алла Тағала тек мұсылман немесе христиандарда ғана емес  барлық пенделерінде қалыптастырған. Хазірет Аббастың (ғ.с.) болмысында бұл қадір-қасиеттер анық байқалды», - деді.

Хазірет Аббас батылдығымен танымал. Хазіреттің батылдығы, абыройы, сондай-ақ имамның мәртебесінің түп-тамыры оның имам Әлидің (ғ.с.) ұрпағынан немесе батыл әрі асыл араб отбасынан шыққандығында емес, оның батылдығының, қадір-қасиеті мен кемелдігінің басты құпиясы Аллаға қызмет етуде,  Пайғамбар (с.ғ.с.) мен пәк имамдарға мойынсұнуында. Хазірет Аббастың зияратнамасының бір бөлігінде: «Сәлем саған Алланың, Алла елшісі, хазірет Әли (ғ.с.) және Хасан (ғ.с.) мен Хұсейннің (ғ.с.) бұйрығын орындаушысы»,- деп айтылды.   

Құлшылықтың  мәртебесі басқа бүкіл мәртебелерден жоғары. Мұны діни деректер де, әулиелер мен имамдардың өмірі де растайды. Хазірет Әли (ғ.с.): «Құдай әрқашан пендесін жақсы көрсе, оны құлшылық және жақсы қызмет етуге шабыттандырады»,- деген. Хазірет Аббас ғибадат пен құлшылықтың шыңына көтеріліп, Аллаға жақындаған сайын адамдарға мейірімді әрі кішіпейіл болды. Әрине, құлшылықтың түрлері бар, оның бірі - намаз және ұзақ сәжделер. Исламның ұлық пайғамбары: «Құлшылықтың негізі бес нәрсе - аз тамақтану, Құран оқу, түнгі намаз, таң атқан кезде тілеу және Алладан қорқып, жылау. Ашура түнінде хазірет Аббас пен имам Хусейннің (ғ.с.) басқа серіктерінің  құлшылықтары  жақсы көрінді. Ашураға қараған түні олар намаз бен Құран оқуға және Алладан қорқып жылауға уақыт сұрап алды. Хазірет Аббас құлшылық шыңдарды жақсы бағындырған болатын. Себебі Мединадан Меккеге, Куфаға және Кербалаға жас тілектер мен ләззаттың шыңында көшу арқылы ғана емес, ол бүкіл әлемге мойын бұрып, бес айдан астам уақыт бойы әртүрлі қиындықтарды бастан өткерді, бірақ әлемнің ең жоғары лауазымды адамдары оған төнген жаудың қауіп-қатеріне ешқашан өкінбеді. Шынында да, Алладан басқадан ешкімнен қорықпады, бұл дүниенің істері оған оңай болды, және ол бірде-бір жағдайда өмір бойы өзінің имамына қарсы болған жоқ.  Негізінде тарихтағы ислам қайраткерлерінің ұлылығы  олардың бұл әлемде мақсатсыз жаратылмағанына сенімді болуларын көрсетеді.  Олар Алла мен әлемнің және адамдармен қарым-қатынасын жақсы реттеу және әртүрлі жағдайларға сәйкес тиісті іс-әрекеттер жасау үшін оларға ақыл мен ар-ұждан нығметтерін берді.          Аллаға иман келтіру әлемнің ұлы адамдарының Алланың дұшпандарымен кезіккен кезде жеңіске жетуінің құпиясы болып табылады. Тарихтың азаматы хазірет Аббас  бұл илаһи қасиетпен безендірілген. Имам Садық (ғ.с.) хазірет Аббастың зияратнамасының басында оны иманды деп сипаттап, соңында жоғары иман мен қырағылыққа ие екенін куә етіп: «Куә етемін, сіз ешбір сәтте   әлсіздік көрсетпедіңіз және соңында жоғары иман мен қырағылыққа ие болдыңыз»,- деді.  

Хазірет Аббас исламды мойынсұнушылықпен қорытындылады. Ол Аллаға және мұсылмандардың қамқоршысына бағынды. Ол шыншылдық, шынайылық және хабардарлықпен бой ұсыну жолына түсіп,   мүмкіндігінше шындықтың имамына көмекке асықты. Ол имам Хұсейннің (ғ.с.) әскерінің туын көтерушісі болды. Шөл барлық адамдарды шыдамдылықтан айырып, шаршатқан кезде, батылдығымен өзін суға жеткізді. Шатырларда қалған адамдар үшін қоржының суға толтырды. Оның орнында кез келген адам өзінің шөлдеген еріндеріне су тигізуге рұқсат ететін еді, бірақ хазірет Аббас шөлдеген имам Хұсейн (ғ.с.), қыздарды және балаларды  есіне алып, су татымай, Евфраттан қайтты. Хазірет Аббастың бұл жомарттылығы, оның өз өмірінен гөрі басшыны қорғауы мен қолдауы оны велаят пен имамматқа мойынсұнудың және сенім білдірудің өте жақсы үлгісіне айналдырды. Демек, хазірет Аббас пен оның басқа бауырларынң ерлігі тек бауырды қолдаумен шектелмеді. Хазірет Аббастың жанкештілігі шындықты іздеу және өз заманының  имамына қолдау көрсету жолында жасалды. Осы себепті оған «Захр ул-Улая» (велаяттың жақтаушысы)  деген лақап ат берілді. Ол имаматтың тірегі болды және оны және оның мұраттарын мүмкіндігінше қолдады.

Ержүрек және жанкеш  сарбаздың бет-бейнесі ол өзі мен қоғамның адамдық және илаһи құндылықтарын  ешқандай мүддесі туралы ойламай қорғауға талпынған кезде анықталады. Жанкеш сарбаз жолды таңдап, тіпті алдында өлім тұрсада, қорықпай күресін жалғастырады. Мұндай сарбаздың қаны қоғамның құндылықтарының сақталуы үшін ең үлкен кепіл, өйткені ұйқы басқан көздер мен ластанған болмыстарды оятады. Хазірет Аббастың имам Хұсейн бен Әлидің (ғ.с.) қозғалысына қатысуы және жоғары мақсаттарға жету жолында шәһид болуы оның қырағылығының және жолды хабардар түрде таңдауының белгісі. Ислам революциясының жетекшісі: «Аба әл-Фазыл Аббастың қырағылығы қайда көрінеді? Тасуа күні оған соғыспау туралы сенімхат ұсынылып, аман қалуы туралы уәде беріледі. Бірақ ол дұшпанның ұсынысын қабылдамады. Ол: «Мен Хұсейннен (ғ.с.) алыстайды дейсіндер ме?! Сендер мен сендердің сенімхаттарына қасірет болады ай»,- деді.  Хазіреттің Аббастың қырағылығын  сондай-ақ бірге келген үш бауырына өзінен бұрын майданға шығып, соғысуға бұйыруында көруге болады. Үш бауыры соңғы сәттеріне дейін соғысты.

Хазірет Аббастың туған күні оның Исламның жолындағы  ержүректілігі мен Ашура көтерілісінде имам Хұсейнді (ғ.с.) қорғауына байланысты «Ардагер күні» атанды. Иран халқы бұл күні хазірет Аббастың жанкештілігімен бірге Ирактың Иранға қарсы сегіз жылдық соғысында жарақат алғандар мен зардап шеккендерді құрметтейді.

Хазірет Аббас туған күнімен тұспа-тұс шындық пен азаттықты қорғаған бүкіл ержүректерді құттықтаймыз!