Шамхани: Иран әскерилерінің Парсы шығанағындағы құзыры аймақ қауіпсіздігінің кепілдігі
Иранның Ұлттық қауіпсіздік Жоғары кеңесінің хатшысы ИИР әскерилерінің Парсы шығанағындағы құзырын қауіпсіздікті қамтамасыз етіп, сауданы кеңейту үшін негіздер қалыптастыратын және мұнай танкерлерінің қауіпсіз қатынасының кепілі деп атады.
Иран Телерадио бірлестігінің хабарлауы бойынша, Иранның Ұлттық Қауіпсіздік Жоғары кеңесінің хатшысы Али Шамхани бүгін, сейсенбі күні Иранның оңтүстігіндегі Киш аралында өткен Теңіз өнеркәсібінің он жетінші форумында сөйлеген сөзінде: «ИИР армиясының теңіз күштері мен Ислам революциясы Сақшылар корпусының Иранның су шекараларын қорғаудағы айбыны мен жетістіктері бүгінде баршаға дәлелденген» деді.
Иранның Ұлттық Қауіпсіздік Жоғары кеңесінің хатшысы су дәліздерінің стратегиялық маңызына сілтеме жасап, Иранның азат суларға қолжетімділігіндегі ерекше жағдайы мен әлемнің энергетика орталығында орналасуына тоқталып: «Күш теңдігінің компоненттерін зерттеу бүгінде теңіздегі құрамдас қауіп-қатердің Иранның әскери, экономикалық және даму бөлімдерінің ең маңызды мүдделерін нысанаға алғанын көрсетеді» деді.
