Иран мен Армения экономикаға инвестиция салу үшін мол әлеуеттерге ие
Арменияның Премьер-министрі мен Иранның Армениядағы елшісі екі елдің мол мүмкіндіктерін экономикалық ынтымақтастықты кеңейту және екіжақты сауда айналымын арттыру үшін пайдалану туралы пікір алмасты.
Арменияның Премьер-министрі Карен Карапетян Иранның Армениядағы елшісі сейіт Казем Саджадимен кездесуінде: «Екі ел өзара сауда айналымы мен экономиканың әртүрлі салалары, соның ішінде ауыл шаруашылығы, телекоммуникация, туризм мен денсаулық сақтау салаларына инвестицияны арттыру үшін мол мүмкіндіктер мен әлеуеттерге ие»,-деді.
Арменияның Премьер-министрі: «400 кВатт-тық электр қуатын тасымалдайтын үшінші желі, Нураван электр стансасы, Иранмен шекаралас аймақтарда газ тарату желісін салу және Иран газын Арменияның электр қуатына айырбастау жобасы өте маңызды»,-деп сөзін жалғады.
Карапетян Армения, Иран, Грузия мен Ресейдің төртжақты әріптестігін аймақтың тұрақтылығы мен дамуы үшін пайдалы да әсерлі деп атап: «Иранның компаниялары солтүстік-оңтүстік күре жолын салуға қатыса алады»,-деді.
