Зариф: Иранның елшілері экспорттық нарықтарды тартуы керек
Иран Сыртқы істер министрі: "Иранның ішкі өндірісі экспорттық нарықтарға шығуы тиіс. Сондықтан ИИР елшілері осы салаларда белсенділік танытуға міндетті",- деп мәлімдеді.
ИРНА ақпарат агенттігінің жұма күнгі хабарлауы бойынша, Иран Сыртқы істер министрі Мұхаммад Джавад Зариф қарсыласу экономикасын іске асыру мақсатында Иранның жеке секторына белсенділік таныту қажеттігін қуаттап: "Иран СІМ-нің тікелей міндеті экономикалық салада әрекет ету үшін қолайлы жағдайлар жасау болып табылады. Соңғы жылдар ішінде көршілес елдермен қарым-қатынастарды кеңейту және тереңдетумен қатар, бұл министрліктің мойнында алдағы түрлі кедергілерді жою да жатады.
Қарсыласу экономикасы кейбір тауарларды тарту және оларды экспорттауға негізделген сыртқы аспектіге ие болды. Осыған байланысты, ИИР-дың басқа мемлекеттердегі елшілері мен өкілдері осы салаларда белсенділік танытуы қажет",- деді.
Сонымен қатар Зариф шетел саяхатшыларын Иранға қызықтырудың инвестиция, жұмыспен қамту және дамуға себеп болатынын баса айтып: "Иран СІМ мен елшіліктері және өкілдіктері Иранның әуежайларында визаны шамамен 180 елге беруді жеңілдету секілді шараларымен осы салаларда маңызды рөлге ие болады",- деді.
