Иран мен Пәкістан эскадрасы тактикалық жаттығу өткізеді
Иран армиясы теңіз күшінің қолбасшысы армия теңіз күші эскадрасының Пәкістанмен тактикалық жаттығу өткізетінін хабарлады.
"Меһр" ақпарат агенттігінің хабарлауынша, адмирал Хабиболла Саяри дүйсенбі күні шәһид Саяд Ширазидың шәһид болуының 18 жылдығы рәсімі аясында сөйлеген сөзінде: «Иран эскадрасы ертең сейсенбі күні Пәкістанмен, сәрсенбі күні Қазақстанмен тактикалық жаттығу өткізеді» деді.
Адмирал Саяри сондай-ақ Иран мен Оман эскадрасының жаттығуы туралы: «Бүгін дүйсенбі күні басталған осы жаттығу жәрдем беру мен құтқару жаттығуы болып табылады. Жаттығулар үш-төрт күнге жалғасады» деді.
Иран ислам республикасы армиясы теңіз күшінің Оманға аттандырылған эскадрасы "Сабалан" кемесі, "Лаван" логистикалық кемесі, "Фалахон" зымыран атқыш кемесі және сүңгуір қайыққа қарсы тікұшақ пен дайвинг топтарынан құралады. Олар жексенбі күні теңізде жәрдем беру мен құтқару жаттығуын өткізу үшін тиісті үйлесімділік шаралары мақсатында Оманның Масқат портын айлақтады.
