Лариджани: Кейбір исламдық елдердің сионистік режим және АҚШ-пен келісімге келуі ұят іс

Иран Ислам Кеңесі Мәжілісінің төрағасы: «Кейбір исламдық елдердің сионистік режим және АҚШ-пен мұсылмандардың үстіне кассеталық бомбаларды тастауға келісуі ұят іс»,-деді.

Иран Ислам Кеңесі Мәжілісінің төрағасы Әли Лариджани сәрсенбі күні Теһранда Құран Кәрім сайысының 34-ші кезеңінің ашылу рәсімінде ислам елдерінің өзара қайшылықтарын ислам әлемінің қазіргі кездегі ең үлкен індеті деп атап: «Лаңкестік және тәкфирлік ағымдар мұсылмандардың қорлануына себеп болып отыр»,-деді.

Ол лаңкестік топтардың сионистік режим үшін тыныс алар кеңістік тудырғанын айтып: «Кейбір исламдық елдер аймақ мұсылмандарын қатерге тігіп, сионистік режимге астыртын көмектеседі. Олар АҚШ пен сионистік режимнің ынтыландыруын  достық қатынас санайды»,-деді.

Құран Кәрім сайысының 34-ші кезеңі кеше, сәрсенбі күні Теһранда 83 елден келген 276 хафиз бен қаридың қатысуымен басталды.