Иранның президенттік сайлауы әлемнің 103 елінде өтеді

Ирандағы он екінші президенттік сайлаудың шетелде өтуін қадағалау делегациясының төрағасы: «Иранның алдағы президенттік сайлауы 103 елде, 132 өкілдікте, 279 дауыс жинау учаскесінде өтеді» деді.

Ирандағы он екінші президенттік сайлаудың шетелде өтуін қадағалау делегациясының төрағасы Хасан Қашқави сәрсенбі күні ақпарат отырысында шетелде тұрып жатқан екі миллион 500 мың ирандықтың дауыс беру шарттарына иелігін мәлімдеп: «Иранда 19 мамырда өтетін президенттік сайлау дипломатиялық байланыстың үзілуіне байланысты Канадада өтпейді» деді.

Қашқави Канадада 400 мың ирандықтың тұратындығына сілтеме жасап: «Иран ресми нота жолдап БҰҰ- дағы Канада өкілдігінің бюросымен байланыс орнату арқылы осы елде сайлаудың өткізілуіне мүдделік танытты.

Иран демократияның құрметі мен азаматтық құқыққа назар аударып, Канадада Иранның президенттік сайлауын өткізуге жағдай жасалуы керек деп мәлімдеген болатын. Тақырып қарастырылып жатыр» деді.

Иранның он екінші президенттік сайлауының шетелде өтуін қадағалау делегациясының төрағасы сайлау күні Американың түрлі қалалары мен БАӘ-де 30, Ирактың Бағдад, Эрбил, Кербела, Наджаф, Басра және Солеймание қалаларында ирандық зияратшылардың болуына байланысты 32 дауыс жинау жәшіктерінің орнатылатынын мәлім етті.

Ирандағы он екінші президенттік сайлау қалалық және ауылдық ислам кеңестері сайлауларымен бірге 2017 жылы 19 мамырда өтеді.