Исламдық кеңестер мен Иран Ислам Кеңесі Мәжілісінің кезеңаралық сайлауларының үгіт-насихат науқаны басталды
Қалалар мен ауылдардағы исламдық кеңестер мен Иран Ислам Кеңесі Мәжілісінің кезеңаралық сайлауларының үгіт-насихат науқаны сәрсенбі, 10 мамыр күні сағат 00:00-де басталды.
ISNA ақпарат агенттігінің хабарлауы бойынша, Иранның Сайлау комитетінің төрағасы сәрсенбі күні кешке: «Қалалар мен ауылдардағы исламдық кеңестерге сайлаудың бесінші кезеңіне үміткерлер мен Иран Ислам Кеңесі Мәжілісінің кезеңаралық сайлауының алғашқы кезеңіне үміткерлердің үгіт-насихат науқаны 18 мамырда таңғы сағат 08:00-де аяқталады. Содан кейін үгіт-насихат жүргізуге тыйым салынады»,-деп мәлімдеді.
Президенттік сайлаудың он екінші кезеңі қалалар мен ауылдардағы исламдық кеңестерге сайлаудың бесінші кезеңі және Иран Ислам Кеңесі Мәжілісінің кезеңаралық сайлауының алғашқы кезеңімен бір мезгілде 2017 жылдың 19 мамырында өтеді.
