Ғасеми: АҚШ Иранға қарсы тағы санкция салып, қателігін қайталап отыр
ИИР-ның Сыртқы істер министрлігінің ақпарат хатшысы: "АҚШ-тың Иранға қарсы тағы санкция салуы Вашингтонның Иран халқына қарсы дұшпандық әрекеттерінің жалғасы әрі АҚШ-тың бұрынғы қателіктерін қайталауы болып табылады" деді.
ИИР-ның Сыртқы істер министрлігінің ақпарат хатшысы Баһрам Ғасеми сәрсенбі күні "әл-Әлам" арнасына берген сұхбатында АҚШ-тың жаңа санкцияларын "Ортақ қадам" бағдарламасының рухына қайшы деп сипаттап: "Бұл әрекеттер АҚШ-тың Иран мен аймақтық мәселелер туралы түсініктерінің қате екенін және Иран мен аймаққа қатысты жасаған бұрынғы стратегиялық қателіктерінен сабақ алмағанын көрсетеді" деді.
Ғасеми АҚШ-тың әрдайым ИИР-на қарсы дұшпандық әрекеттерін күшейтуді көздейтінін айтып: "Әлем мен аймақтың, тіпті АҚШ-тың қазіргі кездегі жағдайы бұрынғы кездерден өзгеше. Бүгінгі АҚШ-тың кешегі АҚШ-тың дәрежесіндей күш-құдіреті жоқ. Бүгінгі Еуропа да бұрынғы Еуропа емес." деді.
Ол сонымен қатар аймақтың қауіпсіздігін барлық елдер үшін пайдалы деп атап: "Иран аймақта қауіпсіздік пен тыныштық орнату үшін көп талпыныс жасады. Аймақтың дамуы мен тыныштық деңгейін арттыру керек" деді.
