Иран халқы Ислам революциясы жетекшісінің 2015-ші жылы айтқан ең маңызды сөйлемі таңдалды
Ислам революциясы жетекшісі аятолла Хаменеидің «Сионистік режим алдағы 25 жылды көрмейді» деген сөйлемі халықтың арасында өткен сауалнама бойынша діни жетекшінің 2015-ші жылы айтқан ең маңызды әрі ұмытылмас сөйлемі ретінде таңдалды.
Аятолла Хаменеидің еңбектерін тарататын орталықтың мәліметі бойынша, 2016-шы жылдың наурыз айының 7-15 аралығында KHAMENEI.IR ақпарат базасының «Ислам революциясы жетекшісінің өткен жылда айтқан ең маңызды сөйлемі» деген тақырыппен өткізген сауалнамасының қорытындысы бойынша, «Сионистік режим алдағы 25 жылды көрмейді» деген сөйлемі таңдалды.
Иран халқының көзқарасы бойынша, екінші маңызды сөйлем Иранның діни жетекшісінің кейбір адамдардың «әсірешіл және ұстамды» деген сөздерді пайдалануларына жасаған ескертуі болды. Сонымен бірге аятолла Хаменеидің «дұшпанның ықпал ету жобасына» қатысты білдірген реакциясы үшінші маңызды сөйлем ретінде аталды.
Бұл жолы Иран халқы үшінші жыл қатарынан Ислам революциясы жетекшісінің сионистік режимнің әскери қоқан-лоққыларына қатысты жауабын жылдың ең маңызды сөйлемі ретінде таңдап отыр.
