ДАИШ Иранның шекараларына жақындауды елестете де алмайды
ИИР Әскері бас қолбасшысының орынбасары Амир Пурдастан: "Иран Қарулы күштерінің қуатын көрсетуі ДАИШ лаңкестік тобының Иранның шекараларына жақындауды ешқашан елестете алмауына себеп болды",- деді.
ИРНА ақпарат агенттігінің бейсенбі күнгі хабарлауы бойынша, бригада генералы Амир Ахмад Реза Пурдастан Иранның батысындағы Хамадан қаласында: "Аймаққа төніп тұрған азын-аулақ қауіп-қатерлерге қарамастан, Иран шекараларындағы бөлімшелердің дайындығы өте жоғары.
Соғыс қиындықтарынан мүлдем қорықпайтын және қорғаныстық әлеуетке ие халық – аймақтағы қазіргі жағдайда жеңіске жететін халық",- деді.
ИИР Әскері бас қолбасшысының орынбасары дайындық күйде болудың маңызды артықшылықтарының бірін халық үшін психологиялық қауіпсіздік орнату деп атап: "Қарулы күштердің дайындығына куә болған халықтың көңілі тыныш болады",- деп мәлімдеді.
