БҰҰ АҚШ коалициясының Сирияның солтүстігіне шабуыл жасағанына алаңдаушылық білдірді
БҰҰ АҚШ коалициясының Сирияның солтүстігіндегі Ракка қаласына әуе шабуылын жасағанына алаңдаушылық білдірді.
Russia Today ақпарат арнасының хабарлауынша, БҰҰ-ның ақпарат хатшысы Стефан Дюджарик: "24 сағаттың ішінде АҚШ коалициясының Ракка қаласына жасаған әуе шабуылдары салдарынан көптеген бейбіт тұрғын қаза тауып, жараланды. Бұл алаңдаушылық тудыратын жайт.
Сейсенбі күні АҚШ коалициясының Ракка қаласындағы Харе әл-Сахани ауданына жасаған әуе шабуылы салдарынан 30-дан астам адам қаза тапты. Бұл тақырып Сирияның көптеген жерлеріндегі қақтығыстарда соғыстың құнын бейбіт тұрғындардың төлеп жатқанын көрсетеді»,-деді.
Қазіргі таңда Ракка қаласының ондаған мың тұрғыны аптап ыстықта қауіпті де нашар жағдайда қалып отыр. Олардың тіпті қашатын еш мүмкіндіктері жоқ.
АҚШ-тың саяси мәселелер жөніндегі сарапшысы Николас Дэвис осы тұрғыда: "АҚШ Ирак пен Сирияда қаза болған бейбіт тұрғындардың жауапкершілігін өз мойнына алмайды",-деді.
АҚШ соңғы жылдары лаңкестікпен күрес сылтауымен Сирия мен Иракта бейбіт тұрғындарды сан рет нысанаға алды.
