Зариф: Иран Ауғанстанда БҰҰ-мен ынтымақтастық жасауға әзір
Қар 20, 2017 22:37 Asia/Almaty
Иран СІМ Теһранның БҰҰ және осы ұйымға қарасты басқа да мекемелермен Ауғанстанда тұрақтылық орнату үшін барлық салалар бойынша ынтымақтастық жасауға әзірлігін мәлімдеді.
Мохаммад Джавад Зариф БҰҰ бас хатшысының Ауғанстан ісі бойынша арнайы өкілі Тадамити Ямамотомен Теһранда кездесуінде: «Иран Ауғанстанда тұрақтылықтың орнауына мүдделік танытып, осы салада талпыныс жасады» деді.
Иран СІМ Иран мен Ауғанстанның серіктестігі мен серіктестіктерді әртүрлі салалар бойынша арттыру қажеттігін, ДАИШ лаңкестік тобының Ирак пен Сириядағы жуырдағы жеңілістеріне байланысты аймақтағы, соның ішінде Ауғанстандағы осы топтың қоқан-лоққысы мен қатерінің артуымен күресудің маңыздылығын қуаттады.
Зариф сонымен қатар кездесуде сол елде тұрақтылық орнату бағытында Иранның Ауғанстанның ұлттық бірлік үкіметін, сондай-ақ, БҰҰ-ның Ауғанстанда бейбітшілік орнатуға қатысты барлық бастамаларын қолдайтынын мәлімдеді.
БҰҰ бас хатшысының Ауғанстан ісі бойынша арнайы өкілі Тадамити Ямамото да кездесуде Ауғанстанның қазіргі жағдайы мен қауіпсіздігі туралы мәлімет келтіріп, Ауғанстанда тұрақтылық пен қауіпсіздік орнату мақсатындағы сұхбаттарды жалғастырудың әртүрлі жолдарын ұсынды.
Тегтер
