Иран Палестинаның исламдық қарсыласу күштерін қолдауға дайын
Иран ислам революциясының Сақшылар корпусының Құдс күштерінің қолбасшысы «Шаһид Эззеддин Қассам» және «Ислам жихады» батальондарының қолбасшыларымен телефон арқылы сұхбатта Иран Ислам Республикасының Палестинаның исламдық қарсыласу күштерін жан-жақты қолдауға дайын екенін мәлімдеді.
«IRNA» агенттігінің дүйсенбі күнгі кешкі мәліметіне сәйкес, Иран ислам революциясы Сақшылар корпусының Құдс күштерінің қолбасшысы Қасем Солеймани осы телефон арқылы сұхбатта әл-Ақса мешітін қорғау үшін аймақтың өзге де қарсыласу топтарының даярлығын қуаттады.
Иран Ислам Республикасы – Трамптың әрекетін айыптаған алғашқы мемлекеттердің бірі. Иран Сыртқы істер министрлігі сәрсенбі күні мәлімдеме жариялап, АҚШ президентінің сионистік режимнің астанасы ретінде Құдсты мойындауының халықаралық резолюцияларды айқын түрде бұзатынын қуаттады.
