Лариджани: Надандық және зорлық-зомбылықпен күресу – хазірет Исаның тағылымы
Иранның Ислам Кеңесі Мәжілісінің Төрағасы Иранның ассириялықтарын Жаңа жыл және бейбітшілік пен достық пайғамбарының туған күнімен құттықтап, надандық және зорлық-зомбылықпен күресуді хазірет Исаның тағылымдарының бірі деп атады.
ИРНА ақпарат агенттігінің мәліметі бойынша, дүйсенбі кешке ассириялықтардың әлемдік одағының бас хатшысы Иранның солтүстік-батысындағы Урумие қаласындағы хазірет Исаның туған күніне арналған рәсімде оқыған Әли Лариджанидің жолдауында: "Хазірет Исаның тағылымдары әлемнің әртүрлі жерлеріндегі достық қарым-қатынастардың кеңеюіне үлкен әсерін тигізді. Бұл пайғамбардың мейірімі бүгін басқа кезеңдерге қарағанда көбірек байқалуда. Иса пайғамбардың жақтастары оның бұйрықтарына сай амал етіп, әлемде бейбітшілік пен достықтың орнатылуына жағдай тудыра алады",- деп қуатталды.
Хазірет Исаның туған күніне арналған рәсім Урумие ассириялықтары мен жергілікті басшылар және ассириялықтардың әлемдік одағы бас хатшысының қатысуымен Урумиенің "Нане Мәриәм" шіркеуінде өтті.
