Джахангири: Иран Беларусьпен қарым-қатынасын кеңейтуге ешқандай шектеу қоймайды
ИИР Вице-президенті сейсенбі күні Теһранда Беларусьтың Өнеркәсіп министрі Виталий Вовкпен кездесуінде ИИР-ның Беларусьпен қарым-қатынасын кеңейтуге ешқандай шектеу қоймайтынын қуаттады.
Исхақ Джахангири Батыстың әділетсіз санкциялары кезінде Беларусьтың Иранмен әріптестік жасағанына алғыс айтып: «"Ортақ қадам" жан-жақты бағдарламасынан кейінгі кезеңде Иранның достары, соның ішінде Беларусь Теһранмен әртүрлі салаларда әріптестік жасауға зор маңыз беріп келеді",-деді. ИИР Вице-президенті АҚШ-тың Иранға қарсы кеңістік тудырып, санкция салуға талпынып жатқанына тоқталып: "Вашингтон ешқашан Иранның басқа елдермен қарым-қатынасына сызат түсіре алмайды.
Қазіргі таңда Иранның басқа елдермен әріптестіктерін дамыту үшін жақсы халықаралық жағдай қалыптасқан",-деді.
Беларусьтың Өнеркәсіп министрі де осы кездесуде Минсктің Иранмен қарым-қатынасты кеңейтуге мүдделі екенін қуаттады.
Виталий Вовк Теһранда ирандық тараппен келіссөздер өткізіліп, жақсы келісімдерге қол қойылғанын айтып: "Беларусь пен Иран 2020 жылға дейін сауда айналымын дамыту мақсатында жол картасын дайындайды",-деді.
Беларусьтың Өнеркәсіп министрі, сондай-ақ, бұл елдің тамақ және мал шаруашылығы өнімдерін экспорттауға және Иранмен әртүрлі салаларда ынтымақтастық жасауға дайын екенін хабарлады.
