Зариф: ДАИШ-ке қару-жарақты АҚШ пен Сауд Арабиясы берген болатын
ИИР Сыртқы істер министрі ДАИШ лаңкестік тобына қару-жарақпен АҚШ пен Сауд Арабиясы көмектескенін мәлімдеді.
ИИР СІМ-ның ақпараттық дипломатия департаментінің хабарлауы бойынша, осы елдің Сыртқы істер министрі Мұхаммад Джавад Зариф Twitter әлеуметтік желісіндегі парақшасында: «Трамп пен оның сыбайластарының жарнамалық компаниялары бұрмаланған мәлімет таратқанымен, Сауд Арабиясы Сыртқы істер министрінің Давоста сөйлеген сөзіндегі «нұрлы болашақ» атты жарнамалық ойынды бастағанымен, АҚШ ДАИШ-тың жеңілісін өз атына тіркеуге тырысқанымен шындықты өзгерте алмайды. ДАИШ-ты жеңу үшін Ирак пен Сирияның халқына көмекке асыққан Иран еді. ДАИШ-ке қару-жарақ берген АҚШ пен Сауд Арабиясы болатын»,-деп қуаттады.
Сауд Арабиясының Сыртқы істер министрі Адель әл-Джубейр Швейцарияның Давос қаласындағы Дүниежүзілік экономикалық форумда сөйлеген сөзінде «Иран Таяу Шығыста сектанттықты қоздырып отыр» деген уәж айтты.
