Зариф: Трамп "Ортақ қадам" жан-жақты бағдарламасына қатты наразы
Ақп 06, 2018 15:40 Asia/Almaty
ИИР Сыртқы істер министрі АҚШ Президенті Дональд Трамптың Иран мен "алтылық" тобы арасындағы ядролық келісімге наразы екенін қуаттап: "Трамп "Ортақ қадам" жан-жақты бағдарламасының күшін жоятын жолды іздеуде",- деді.
Мұхаммад Джавад Зариф дүйсенбі күні Иран Теледидарының екінші арнасына берген сұхбатта АҚШ-тың "Ортақ қадам" жан-жақты бағдарламасындағы міндеттемелерін орындамауына тоқталып: "Трамптың ісі болжанған әрекет болды. Иран еш уақытта АҚШ-тың "Ортақ қадам" жан-жақты бағдарламасын шынайы ниетпен орындайтынын күткен емес",- деді.
Зариф, сондай-ақ, Иранның әрқашан өз халқына сүйенгенін еске салып, Иранның аймақтағы ең қауіпсіз ел екенін қуаттады.
Зариф аймақ елдерінің көбіндегі тынышсыздықтарға сілтеме жасап: "Қауіпсіздік туралы екі пікір кездеседі: Иранның пікірі бойынша, қауіпсіздік елдің ішінен, халықтың дауыс беруге қатысуы арқылы қамтамасыз етіледі. Бірақ, аймақ үкіметтерінің көбінің пікірінше, қауіпсіздік елдің сыртынан қамтамасыз етіледі",- деп мәлімдеді.
Иран Сыртқы істер министрі Сауд Арабиясының аймақтағы қате әрекеттеріне, соның ішінде тынышсыздықтар тудыруға талпыныс жасап, лаңкестік топтарды қаруландыруына тоқталып: "Сауд Арабиясы аймақ істеріне қате бұйрықпен араласты",- деді.
Тегтер
