Рухани: Америкалықтар Ираннан талай рет жеңіліс тапты
ИИР Президенті: «Иран өткен жылы (х.ш.ж.с.б.1396 жылы) сыртқы саясат саласында айтарлықтай жетістіктерге жетті. Америкалықтар БҰҰ мен оның Қауіпсіздік кеңесінде Иранмен текетіресте жеңіліс тапты»,-деді.
Хасан Рухани жексенбі күні х.ш.ж.с.б. 1397 жылдың алғашқы жұмыс күні министрлер, атқарушы органға қарасты мекемелердің басшылары және қызметкерлерімен кездесуінде: «Өткен айларда америкалықтар БҰҰ-да Иранға қарсы жаңа істерді ашуға талпыныс жасады. Бірақ оның бәрі сәтсіздікке ұшырады.
АҚХА-нің Иранның «Ортақ қадам» жан‑жақты бағдарламасы аясында белгіленген міндеттемелеріне беріктігін бірнеше мәрте жариялауы ақлақтық және саяси тұрғыдан өте маңызды әрі құнды. Бұл америкалықтардың «Ортақ қадам» жан‑жақты бағдарламасын әлсіретіп, жоюға бағытталған талпыныстарының сәтсіз болғанын көрсетеді.
Әлем елдерінің басым бөлігі мен қоғамдық пікірдің осы бағдарламаға қатысты Иранды кесімді түрде қолдауы ИИР үкіметінің сыртқы саясаты үшін өте үлкен жетістік саналады»,-деді.
