Сафави: Сирия мен Палестинаны қорғау қорғаныстық жиһадқа негізделген

Иранның бүкіл қарулы күштерінің Бас қолбасшысының аға кеңесшісі: "Сирия, Ирак, Палестина және Йеменді қорғау имам Хомейни мен ислам революциясы жетекшісінің фикқтық көзқарасы тұрғысынан қорғаныстық жиһад негіздері бойынша іске асырылуда",- деді.

Иранныңң бүкіл қарулы күштері Бас қолбасшысының аға кеңесшісі Сейед Яхья Сафави дүйсенбі күні «Ислам революциясы, қасиетті қорғаныс пен қарсыласу: имам Хомейнидің көзқарасы тұрғысынан» атты отырыста сөйлеген сөзінде: "Иран Ислам республика жүйесінің іргетасын қалаушы көсем имам Хомейни қорғаныс жиһадын барша мұсылмандар үшін уәжіп санады, өйткені бұл жиһад мемлекеттердің тәуелсіздігін сақтап қалуға себеп болады. Бүгінде Иран  саяси, мәдени және рухани  тұрғылардан Йеменге көмекке аттанып, Венесуэла халқы сынды басқа халықтарға ықпал етті. 200-ден астам ядролық оқтұмсыққа ие Израиль мен 90 000 әскериі және шамамен 50 әскери кемесімен АҚШ аймақта орналасқан жағдайда Иран өзін қорғау үшін зымырандық қорғанысты қажет ететіндіктен бұл мәселеден артқа шегінбейді",- деді.