Зариф: АҚШ-тың Иранға қарсы саясаттары сәтсіздікке ұшырады
Иран Сыртқы істер министрі АҚШ Мемлекеттік департаментінің Иранға қарсы жарияланған стратегиясын өткеннің жаман әдеттеріне оралу деп атап: "АҚШ өз мүдделерін ойлайтын топтардың бос сөздері мен сәтсіздікке ұшыраған саясаттарының тұтқынында",- деді.
IRNА ақпарат агенттігінің мәліметі бойынша, Иран Сыртқы істер министрі Мұхаммад Джавад Зариф АҚШ-тың Мемлекеттік хатшысы Майк Помпеоның Вашингтонның Иранға қарсы жаңа стратегиясы туралы сөзіне реакция білдіріп, «Твиттердегі» парақшасында: "Иран халқы еш уақытта АҚШ-тың қоқан-лоққыларына бағынбады, келешекте де бағынбайды. АҚШ өз мүдделерін ойлайтын топтардың бос сөзі мен сәтсіздікке ұшыраған саясаттарының тұтқынына түсіп, қателіктерін қайталап, шығын келтіретін салдарға тап болады. Иран АҚШ-тың қоқан-лоққыларына мән бермей, АҚШ-тың шығуына қарамастан, өз серіктестерімен "Ортақ қадам" жан-жақты бағдарламасын ілгерілету бойынша ынтымақтастық жасайды",- деп жазды.
