Америкалықтар Иранға қарсы әскери шешім жолын таңдауға қауқарсыз
Ислам революциясы Сақшылар корпусы бас қолбасшысының орынбасары АҚШ-тың әскери қуатының әлсірегенін, бұл елдің Иранға қарсы әскери шешім жолын таңдауға қажет саяси-экономикалық жағдайының жоқтығын айтты.
Генерал Хосейн Салами сенбі күні кешке Иранның Бірінші арнасына берген сұхбатында АҚШ-тың соғысқа қажет саяси жағдайдан айрылғанын, ешбір елдің АҚШ-тың әлемнің кез келген жеріне басқыншылығын қолдамайтынын, АҚШ экономикасының жаңа соғысты көтере алмайтынын, өйткені Таяу Шығыс аймағына 7 трлн доллар жұмсап, ешқандай нәтижеге жетпегенін айтты.
Ислам революциясы Сақшылар корпусы бас қолбасшысының орынбасары, сондай-ақ, Иранның тежегіш қуатына тоқталып, ИИР-ның қуат тұрғысынан дұшпандарға әсерлі реакция көрсетіп, қажет жағдайда олардың мүдделеріне қоқан-лоққы жасай алатын дәрежеге жеткенін айтты.
Сардар Салами АҚШ-тың Иранға қарсы санкцияларын қайта күшіне енгізгеніне тоқталып: «Иран мұнайын сатып алатын 8 елді санкциялар аясынан шығару – Иранның АҚШ-ты жеңгенінің белгісі»,-деді.
