Ғасеми: Иран халқы зорлық пен әлімжеттікті жеңеді
ИИР СІМ-нің ақпарат хатшысы Иран халқының кез келген зорлық пен әлімжеттікті жеңетінін және тарихтың ирандықтардың осы мәдениеті мен қатынасына куә екенін айтты.
ИИР СІМ-нің ақпарат хатшысы Бахрам Ғасеми америкалықтардың ирандықтарға тиісіп, кедергі тудыруға бар күшін салып жатқанын айтып: «АҚШ алдау-арбау мен аярлық арқылы Иран халқының бірлігі мен біртұтастығын әлсіретеміз деп ойлайды, бірақ ирандықтар АҚШ-ты басқыншы ел ретінде таниды»,-деді.
Ғасеми, сондай-ақ, Сауд Арабиясының тақ мұрагері Мұхаммад бен Салманның әлемнің Иран мен Түркиядан төнген қатер деген мәселеге көңіл аударуы қажеттігі жайлы айтқан сөздеріне тоқталып: «Саудиялықтар қателеседі, олар көп ұзамай өкінетін болады»,-деді.
Ғасеми сионистік режимнің ислам әлемін қиындыққа ұшыратуға бағытталған арнайы саясатқа ие екенін айтып, Израиль Премьер-министрі Беньямин Нетаньяхудың араб елдеріне сапарын араб және ислам елдері арасында жік тудыру үшін жасап жатқан талпынысы деп атады.
