Үндістанның Мұнай министрі Теһранда Иранның Мұнай министрімен кездесті

Иран мен Үндістанның Мұнай министрлері кездесіп, екі елдің мұнай және энергия саласындағы ынтымақтастықтары туралы сұхбаттасты.

Теһранға сапармен келген Үндістанның Мұнай министрі Дхармендра Прадхан Иранның Мұнай министрі Бижан Намдар Занганемен «Фарзад би» газ кенішін кеңейту, Үндістанның Иранға мұнай қарызы, теңіз қойнауынан газ экспорттау және Иранның оңтүстік- шығысындағы Чабахар аймағында мұнай- химия бөлімшелерін салу туралы сөйлесті. Үндістанның Мұнай министрі Иранның Өнеркәсіп, кен және сауда министрі Мұхаммад Реза Нематзаде, орталық банктің бас директоры Уалиолла Сейф және Иранның сауда- өнеркәсіп және экономикалық арнайы еркін аймақтары үйлестіру кеңесінің хатшысы Акбар Торканмен сұхбаттасуды және Иранның сауда палатасында Иран мен Үндістан кәсіпкерлерінің бірлескен отырысына қатысуды жоспарлап отыр.

Үндістан Қытайдан кейінгі Иран мұнайын сатып алушы басты мемлекет болып табылады. Осы ел Иран энергиясының түрлі бөлімдеріне қатысуға және мұнай- химия бөлімін дамыту мен соған қаржы салуға қызығушылық танытып отыр.