Иран армиясы Құрлық күштерінің "Айбын" әскери жаттығуы сәтті аяқталды
Иран армиясы Құрлық күштерінің "Айбын" әскери жаттығуының ақпарат хатшысы генерал Ноузар Немати әскери жаттығудың алдын ала белгіленген барлық мақсаттарға жетумен аяқталғанын хабарлап:
"Иран армиясы Құрлық күштерінің "Айбын-97" әскери жаттығуының соңғы күні әскерилер жауынгерлік бөлімшелер, артиллерия, механикаланған жаяу әскер, әуе күштері, жедел және шабуылдаушы бөлімшелердің оқ жаудыруымен бір мезгілде үйлесімді әрекет етті.
Иран армиясы Құрлық күштерінің "Айбын-97" әскери жаттығуында дұшпанның ізіне түсіп, қуу және олардың құрал-жабдықтары мен бекіністерін толық жою амалдары сәтті орындалды.
Күш-қуат пен қозғалыс қабілетін көрсету, жылдам ауысу және тазарту амалдары да осы әскери жаттығуды өткізудің мақсаттарының бірі болды. Бұлар да сәтті орындалды",-деді.
Иран армиясы Құрлық күштерінің "Айбын" әскери жаттығуы жұма күні Исфаһан облысының Насрабад ауданында басталып, сенбі күні аяқталды.
