«Велаят-97» әскери жаттығуы барысында қанатты үш зымыран атылды
«Велаят-97» әскери жаттығуының ақпарат хатшысы адмирал Хамзе Әли Кавиани жаттығудың соңғы кезеңінің екінші күні бір эсминец пен зымыран тасушы кеменің «Ғадер» мен «Ғадир» деген екі қанатты зымыран атып, алдын ала белгіленген нысаналарды жойғанын мәлімдеді.
ИИР Телерадио бірлестігі ақпарат агенттігінің хабарлауы бойынша, адмирал Хамзе Әли Кавиани сенбі күні жағалаудан теңізге бағытталған зымырандық кешеннің де «Ғадир» зымыранын атып, теңізде белгіленген нысананы жойғанын айтты.
«Велаят-97» әскери жаттығуының ақпарат хатшысы адмирал Хамзе Әли Кавиани ұшу қашықтығы 250 шақырымды құрайтын «Ғадер» зымыраны мен 300 шақырымдық «Ғадир» зымыранының су беті кемелерінен, жағалаудағы кешендер мен ұшақтардан атылу мүмкіндігіне ие екеніне де тоқталды.
Кеше, жұма күні Ормуз бұғазының шығысы мен Оман теңізінде басталған «Велаят-97» әскери жаттығуы 3 күнге созылады.
