Шәһидтердің мәңгілік жолдауы – қоғамды қорқыныш пен қайғыға бой алдырмауға шақыру
Ислам революциясының жетекшісі Керман облысының 6500 шәһидін еске алу конгресін ұйымдастырушылармен кездесуінде шәһидтерді еске алып, қадір тұтуды Алла жолындағы джиһад пен мұджахедтерді құрметтеу, олардың мақтанышқа толы жолын жалғастыруға ынталандыру деп атап:
"Қасиетті қорғаныс жылдары шәһидтер мен жауынгерлерді қадірлеп, мақтанышпен еске алу елді қорғау үшін майданға баруға құлшыныстың артуына себеп болды. Бүгінде дұшпандардың мақсаты – шәһидтерді еске алуға қарсылық білдіру, шәһид болу жолына тосқауыл қою, қоғамдағы әрбір адамның мұджахедтік қозғалыс жасауға ынталануының алдын алу. Шәһидтерді еске алып, тағзым ету елде мұджахедтік қозғалысты нығайтады",-деді. Ол бір ұлттың айбынды болуының сырын әртүрлі салаларда батыл, ержүрек, жанпида, табанды жастардың болуы деп атап: "Осындай капиталға ие ұлт жеңімпаз әрі айбынды болады, ешқашан қор болмайды. Шәһидтердің есімін қайта жаңғырту осындай капитал мен жастарды тудырады",-деді.
Хазірет аятолла Хаменеи шәһидтердің мәңгілік жолдауын қоғамды қорқыныш пен қайғыға бой алдырмауға шақыру деп атап: "Дұшпандардың Иранмен жұмсақ соғысының мақсаты – Иран халқын үмітсіздендіріп, қайғыға батыру, оларды майданға шығудан қорқыту. Бірақ, оған керісінше, шәһидтердің бізге берген жақсы жаңалығы мен жолдауы мынадай: егер дұшпандардың қалауына керісінше, күрес майданына шықсаңыздар, Алла Тағала Қасиетті қорғаныс жылдарындағыдай бойымыздан үрей мен қайғыны алыстатады",-деді.
