Сақшылар корпусы: Ормуз бұғазысында британиялық танкер тұтқындалды

Ислам революциясы Сақшылар корпусы қоғамдық қарым-қатынастар бөлімі жұма күні кешке Ормуз бұғазысында халықаралық теңіз заңдарын бұзғаны үшін британиялық танкерді тұтқындағаны туралы хабарлады.

Ислам революциясы Сақшылар корпусы қоғамдық қарым-қатынастар бөлімі өз мәлімдемесінде: «Жұма күні «Stena impero» деп аталған британиялық танкер  Ормуз бұғазысында өтіп бара жатқан кезде халықаралық теңіз заңдарын бұзғаны үшін Иранның оңтүстігіндегі Ормузгон облысы Порттар мен теңіз қатынасы ұйымының  сұрауымен аймақтағы Сақшылар корпусы  теңіз күштерімен тұтқындалды»,- деп жариялады. Ислам революциясы Сақшылар корпусы қоғамдық қарым-қатынастар бөлімінің мәліметінше, бұл танкер жағалауға қарай жеткізіліп, қажет заңды тексерістен өту үшін Ормузгон облысының Порттар және теңіз қатынасы ұйымына тапсырылды. Ислам революциясы Сақшылар корпусы  теңіз күштері бейсенбі күні де сот шешімімен Парсы шығанағында заңсыз түрде мұнай тасымалдап бара жатқан танкерді тұтқындады.