Шамхани: Палестинаның қарсыласу ағымы жеңіске жеткенше, Иран қолдауын жалғастырады
Иранның Ұлттық қауіпсіздік жоғары кеңесі хатшысы Палестинаның қарсыласу ағымы бала өлтіруші әрі басқыншы режимді толық жеңгенінше, ИИР-ның қолдауын жалғастыратынын қуаттады.
Әли Шамхани сейсенбіде Палестина Исламдық қарсыласу қозғалысы ХАМАС-тың саяси бюросы басшысының орынбасары Салех әл-Арваримен Теһрандағы кездесуінде: "Палестина армандарын қолдау - Ислам революциясының негіздерінің бірі. Бұл қолдау қарсыласу ағымы басқыншы режимді толық жеңгенше жалғасады",- деді. Шамхани "Ғасыр мәмілесі" жобасын іске асырылмайтын, сәтсіздікке ұшыраған жоба деп атап: "Сионистік режим мен оны қолдаушылар құлдырауда. Сондай-ақ Палестина халқының жігері мен мақсаттарына қайшы жобалар еш уақытта нәтижеге жетпейді",- деп баса айтты. Салех әл-Арвари Палестина халқының қарсыласуына қолдауы көрсеткені үшін Иранға алығысын айтып, Палестина халқының сионистік режимнің қоқан-лоққыларынан қорықпайтынын және кейбір тәуелсіз және революцияшыл елдердің қолдауымен басқыншыларға қарсы тұратынын қуаттады.
