Ислам революциясы жетекшісі: Иран халқының тұрақтылығы халықаралық бақылаушыларды таңғалдырды
Ислам революциясының жетекшісі Иран халқының 22 баһман шеруі мен Ислам революциясы Сақшылар корпусы Құдс күштері қолбасшысы шәһид сардар Ғасем Солейманимен қоштасу рәсімдеріне жаппай қатысуына тоқталып, Иран халқының АҚШ-тың үрейлі қысымдарына қарсы тұрақтылығының халықаралық бақылаушыларды таңғалдырғанын қуаттады.
Ислам революциясы жетекшісі аятолла Хаменеи сенбі күні Исламның ұлық пайғамбары әулетінің мыңдаған мадақшыларымен кездесуінде олардың маңызды міндеттерінің бірін исламдық өмір сүру тәсілін тарату деп тауып: "Егер дұшпанның мәдени шабуылына қарсы тұрғымыз келсе, өмір сүру тәсілін дұрыс исламдық бағытқа қайтарып, оны мәдениеттендіруіміз керек",- деді. Аятолла Хаменеи діни жоғары тәлімдер мен исламдық өмір сүру тәсілдін бірін дұшпаннан қорықпау және Аллаға иман келтіру деп біліп: "Егер революцияның алғашқы күндерінде Иранның ғылым мен технология және саяси салаларында қазіргі деңгейге жетіп, аймақ істеріне әсерін тигізетіні туралы айтқанда, ешкім сенбейтін еді. Бірақ Иран халқы Аллаға сүйеніп, ешбір құдыреттен қорықпай, жетістіктерге қол жеткізіп, алға ілгерлей алды",- деп қосты. Ислам революциясы жетекшісі Батыстың институттарының бағдарламалары мен ақпарат құралдарының кең ауқымды үгіт-насихаттарына назар аудартып: "Иран халқы Алланың көмегімен осы күнге дейін дұшпандардың қастандықтарына қарсы тұрды. Иран халқы барлық сахналарға жаппай қатысып, ерлігін көрсетті. Алайда бұл ерлікті сақтау үшін діни тағылымдар мен мәдениетті тереңдету қажет",- деді.
