Иранда коронавирусқа шалдыққан 4000-нан астам адам жазылды

Иран Денсаулық сақтау министрлігі: «Осы уақытқа дейін Иранда коронавирусқа шалдыққан 4339 адам жазылып, ауруханалардан шығарылды»,-деп мәлімдеді.

Иран Денсаулық сақтау министрлігінің қоғамдық қатынас және баспасөз өкілі Киануш Жаһанпур сенбі күні тілшілерге берген сұхбатында елде 12000-нан астам адамның коронавирусқа шалдыққанын айтып: «Өкінішке орай, осы уақытқа дейін 611 адам вирустан көз жұмды»,- деді.

Соңғы статистикалық мәлімет бойынша, осы уақытқа дейін әлемде 146 мыңнан аса адам коронавирус жұқтырған. Оның ішінде 75 мыңнан астам адам жазылды және кемінде 5400-ға жуық адам қайтыс болды.