Иран армиясы биологиялық қарулардан қорғану жаттығуын өткізді

ИИР армиясының биологиялық қарулардан қорғану жаттығуы бүгін, жексенбі күні елдің түкпір түкпірінде өткізілді.

Иран армиясының қолбасшысы генерал сейіт Абдуррахим Мусави Ислам революциясы жетекшісінің бұйрығымен Қарулы күштердің бас штабында имам Реза (ғ.) базасының құрылғанына тоқталып: «Бүгін армияның биологиялық қорғаныс базасының бақылауымен биологиялық қарулардан қорғану жаттығуы өткізілді. Иранның түкпір‑түкпірінде коронавирустың алдын-алу шаралары жасалады»,-деді.

Генерал Мусави: «Иран армиясы, сондай-ақ, елдің 300 жерінде емдеу орталықтарын ашу арқылы коронавирусқа шалдыққандарды анықтап, бұл аурудың таралуының алдын алуда»,-деді.

Ислам революциясының жетекшісі бейсенбі күні кешке бұйрық шығарып, ИИР Қарулы күштері бас штабының басшысы генерал Мұхаммед Бағериге Қарулы күштердің коронавируспен күресте халыққа жасап жатқан қызметіне алғыс айтып, бұл шаралардың бір медициналық база аясында басқарылып, ұйымдастырылып, атқарылуы қажеттігін айтты.