Иранда коронавирусқа шалдыққандардың жағдайы жақсарып келеді
Сәу 10, 2020 19:44 Asia/Almaty
Иран Денсаулық сақтау министрлігі: «Елде коронавирусқа шалдыққандар жағдайының жақсару үдерісі қарқындай түсті. Қазір вирус жұқтырған 35465 адам емделіп, ауруханалардан шығарылды»,-деп мәлімдеді.
Иран Денсаулық сақтау министрлігінің баспасөз өкілі Киануш Жаһанпур жұма күні тілшілерге берген сұхбатта елде коронавирус жұқтырғандардың соңғы статистикасын баяндап: «Өткен 24 сағатта нақты диагностикалық критерийлер бойынша елде тағы 1972 адам вирус жұқтырды. Жаңа жайттарды қосқанда қазір жалпы 68192 адам ауруға шалдықты»,-деді.
Иран Денсаулық сақтау министрлігінің баспасөз өкілі, сондай-ақ, өткен 24 сағатта 122 адамның қаза болғанына тоқталып, Иранда коронавирус салдарынан көз жұмғандар санының 4232 адамға жеткенін хабарлады.
Тегтер
