«Наср» атты қанатты зымыранның алғашқы топтамасы армияның әуе күштеріне табыс етілді

Иранның Қорғаныс министрі бригада генералы сардар Хосейн Деһқан Иран Ислам Республикасы армиясының әуе күшіне кемеге қарсы қолданылатын «Наср» атты қанатты зымырандарын табыс ету шарасында Иранның ілгерілеушіліктерін, әсіресе қорғаныс салаларындағы табыстарын Иранның даңқты исламдық революциясының берекесі деп атады.

Иранның Қорғаныс министрі сардар Деһқан «Наср» зымыранның көздеген нысананың көзін жою үшін жоғары қабілетке ие екендігін қуаттап, оның Иран Ислам Республикасы армиясы әуе күштерінің операциялық әлеуеті мен тактикалық күшін жоғарылататынын, сонымен қатар түрлі қырғи ұшақтарға орнатып, қолдануға да болатынын мәлімдеді.