Қасеми: Иран үшін бірде-бір жол жабық қалмайды

Иранның Жол және қала құрылысы министрі Твиттердегі жеке парақшасында Нурдуз-Армения бағыты мен Кавказ дәлізіне қатысты қиындық шешіліп, жуырда бұл аймақтың транзиттік картасының толық өзгеретінін айтып: «Иран үшін бірде-бір жол жабық қалмайды»,-деді.

Рустам Қасеми Твиттердегі жеке парақшасында: «Министрдің орынбасарларына берілген арнайы тапсырма бойынша Нурдуз-Армения бағыты мен Кавказ дәлізіне қатысты қиындық шешіліп, жуырда бұл аймақтың транзиттік картасы толық өзгереді. Осы салада бүлдіргі әрекет жасаған адамдар біз үшін ешқандай жолдың жабылмайтынын, ал өздері бұзған көпірдің оңайлықпен жөнделмейтінін білсін»,-деп жазды.