Теһранда "Ариана" атты жеке фотокөрме өтіп жатыр
Жел 01, 2021 03:06 Asia/Almaty
Иранның астанасы Теһранның "Афтаб" мәдениет үйінде "Тасвир-е фасл" (Мезгіл суреті) көркемсурет тобының басшысы Джавад Елминианың ұйымдастыруымен фотограф Захра Сейед Мортидің "Ариана" атты фотосурет көрмесі өтіп жатыр.
Захра Сейед Мортидің айтуынша, ол 6 жылдан бері тағамдар мен дастарханды көркем суретке түсірумен айналысып келеді. Бір жарым жылдан бері 5 топтық көрмеге қатысып, енді жеке фотосурет көрмесін өткізіп жатыр. Тағам, дастархан, табиғат, қоғам және тарихи жерлер тақырыбында 30 фотосуретті жұрт назарына ұсынып отыр.
Көрме бейсенбі күні аяқталады.
