Сақшылар корпусы құрлық күштерінің арнайы жасақтары қар үстінде əскери жаттығу өткізді

Ислам революциясы Сақшылар корпусының Саберин арнайы жасағы, Мырза Кучек хан арнайы күштері жəне имам Хасан Мұджтаба атындағы арнайы бригадаларының жауынгерлері Иранның солтүстік-батыс шекарасында қар үстінде əскери жаттығу өткізді.

Иран Телерадио бірлестігі ақпарат агенттігінің сəрсенбі күні хабарлауынша, Сақшылар корпусының арнайы жасақтары осы əскери жаттығуда заманауи құрал-жабдықтарды пайдаланып, ауыр жағдайда өмір сүру, қар басқан аймақта жаттығу, құралдар мен қару-жарақ асынып шаңғы тебу, қардан үңгір жасау, жаралыларды тасымалдау, қарда атқа шабу, мұз қабаққа өрмелеу, жаяу жəне квадрациклмен қалың қарды кесіп өту жəне қарда оқ атуға жаттықты.