Сақшылар корпусының Теңіз күштері радарға түспейтін жаңа кеме жасады
Ислам революциясының Сақшылар корпусы Теңіз күштерінің қолбасшысы радарға түспейтін корпусқа ие кеме жасап шығарғанын хабарлады.
Адмирал Әлиреза Тангсири Иран Телерадио бірлестігіне берген сұхбатында: «Өткен үш жылда Сақшылар корпусының Теңіз күштеріне отандық жабдықтармен жасалған 8 кеме қосылды»,-деді.
Адмирал Тангсири болашақта Сақшылар корпусының Теңіз күштеріне көптеген жабдықтар қосылатынын айтып: «Осы күштердің мақтаныштарының бірі отандық құралдарды пайдалануында»,-деді.
Адмирал Тангсири Ислам революциясы жетекшісінің іргелі ғылымға негізделген технологияларды пайдалану керегін айтқанына тоқталып: «Сақшылар корпусы теңіз күштерінің жұмысы іргелі ғылымға негізделген компаниялардың қызметімен бір мезгілде басталды. Кемелер осындай компаниялар тарапынан жасалды»,-деді.
