Ислам революциясының жетекшісі: Ирактың Иранға қарсы соғысы үстемшіл жүйенің империялық стратегиялық саясатының нәтижесі болды
Ислам революциясының жетекшісі Ирактың Иранға қарсы соғысын үстемшіл жүйенің Ислам республикасы мен Иран халқына дұшпандық көрсету империялық стратегиялық саясатының нәтижесі деп тапты.
Ислам революциясының жетекшісі аятолла Хаменеи бүгін, сәрсенбі күні қасиетті қорғаныс ардагерлерін құрметтеу рәсімінде: «Әлемдік державалардың амбициялы және билікқұмар Саддамды жан-жақты қолдауына қарамастан, революцияның қайнаған күші, имам Хомейнидің өте тиімді басшылығы және Иран халқының көрнекті ерекшеліктерінің арқасында соғыс белгілі және үлкен қауіптен үлкен мүмкіндікке айналды»,- деді. Иран Қарулы күштерінің бас қолбасшысы қасиетті қорғанысты елдің бүгіні мен болашағы үшін қызықты, маңызды және пайдалы оқиға деп атап, таңған соғыс жөніндегі Батыстың жарияланған құжаттарына сілтеме жасай отырып: «Иранға қарсы соғыс әлем билеушілерінің Ислам революциясының жеңісіне табиғи реакциясы болды. Иран халқының революциясы тек тәуелді және бүлінген жүйенің сәтсіздігі және АҚШ пен үстемшілдікке уақытша соққы беру емес, керісінше бұл революция үстемдік жүйенің қаупі болды. Батыс пен Шығыстың үстемшілдері бұл қауіптің тереңдігін түсінді. Олар Саддамды Иран халқына қарсы айдап салып, Иран халқына соғысты таңыды»,- деп сөзін жалғады.
Аятолла Хаменеи Иранға қарсы соғыстың мақсатын Иран халқының жаңа, соның ішінде АҚШ-тан қорықпау және жаһандық қысым мен кемсітушілікке қарсы тұру сынды жолдаулары мен сөздерінің басқа халықтарға таралуының алдын алу санап: «АҚШ-қа сүйеніп, үмітін артқан елде тәуелсіз және шабыттандыратын саяси жүйенің пайда болуы АҚШ пен билікқұмарлар үшін мүлдем төзуге болмайтын мәселе болды. Сондықтан төңкеріс, Табасқа шабуыл, этникалық топтарды қоздыру сияқты сәтсіз қозғалыстардан кейін олар Иран халқына кең ауқымды соғысты бастады»,- деп мәлімдеді. Иран Қарулы күштерінің бас қолбасшысы басқа халықтарға сабақ беруді жаһандық диктаторлардың Иранға қарсы соғыс ашу мақсаттарының бірі деп атап: «Олар Иран халқына қысым көрсету арқылы ашық қарсыласу есігін толығымен жабуды көздеді. Бірақ халық үстемшіл майданның барлық мақсаттарын сәтсіздікке ұшыратып, дұшпанның қиялына керісінше, өзін көтеріп, көптеген мүмкіндіктер туғызды»,- деп қуаттады.
