Қалибаф: Гильменд суын тұтыну құқығына қатысты ешқандай жеңілдік берілмейді
Иран Ислам Кеңесі Мәжілісінің төрағасы: "Гильменд суын тұтыну құқығына қатысты ешқандай жеңілдік берілмейді",-деді.
Мұхаммед Бағер Қалибаф Иран мен Ауғанстанның Гильменд суын тұтыну құқығы туралы келісімі бұзылмайтынын айтып: "Ауғанстан жерінде су жеткілікті деңгейде жиналғандықтан, бұл елдің басшылары екі ел қарым-қатынасында туындауы мүмкін қиыншылықтардың алдын алады деп сенеміз",-деді.
Iran Press ақпарат агенттігінің хабарлауы бойынша, Мұхаммед Бағер Қалибаф бүгін, жексенбі Ислам Кеңесі Мәжілісінің ашық жиналысының алдында сөйлеген сөзінде: "Гильменд суын тұтыну құқығы туралы келісім көршілес екі ел – Иран мен Ауғанстанның ұзақ тарихының бір бөлігі",-деді.
Иран Ислам Кеңесі Мәжілісінің төрағасы: "Осы келісімді толық әрі нақты орындау екі халықтың мүддесіне сай келеді, Ауғанстанның батысы мен Иранның шығысындағы климаттық және географиялық жағдайды сақтап, халықтың әл-ауқатын жақсартады",-деді.
Қалибаф: "Ауғанстан басшылары ИИР-дың осыған қатысты оң ниетіне конструктивті жауап береді деп үміттенеміз",-деді.
