Ислам революциясының жетекшісі: Газадағы қылмыстар тоқтатылмаса, қарсылықты тоқтату мүмкін емес
Ислам революциясының жетекшісі: "Құдсты басып алған режимнің жалғасып жатқан қылмыстарына әлемдегі мұсылман елдер, тіпті мұсылман емес халықтар қатты ашулы. Бұл зұлымдықтар жалғаса берсе, әлем мұсылмандары мен қарсыласу күштері шыдамсызданып, оларды ешкім тоқтата алмайды",- деді.
Ислам революциясының жетекшісі аятолла Хаменеи сейсенбі күні Иранның элиталарымен және ғылыми дарындармен кездесуінде сионистік режимнің Газа секторындағы Палестина халқын қырып-жою қылмыстарына тоқталып, бомбалауды тоқтату қажеттігін қуаттады. Аятолла Хаменеи Палестинаның қазіргі оқиғасын сионистік режимнің айқын қылмысы және бүкіл әлемнің көз алдында ашық геноцид деп атады және америкалықтардың сионистердің әрекеттерін саясиландырудағы нақты рөліне тоқталып, былай деді: "Кейбір елдердің ресми тұлғаларының ИИР-ның қайраткерлерімен сұхбатындағы наразылығы "палестиналықтар неліктен бейбіт тұрғындарды өлтірді?" деген сұрағы болды. Бұл мәлімдеме сөздер шындыққа жанаспайды, өйткені елді мекендердің тұрғындары бейбіт тұрғындар емес, олар қарулы. Бірақ оларды бейбіт тұрғындар деп есептесек, осы күндері олардың қаншасы қаза тапты, ал қанша палестиналық бейбіт тұрғын шәһид болды? Израиль режимі осы бірнеше күнде жүз есе, яғни бірнеше мың әйелдерді, балаларды, кәрі және жас бейбіт тұрғындарды өлтірді және әлем халқының көз алдында елді мекендер мен азаматтық тұрғын үй деп білетін ғимараттарды бомбалау арқылы елде қылмыс жасауда".
Аятолла Хаменеи басып алушы сионистік үкіметтің Палестинаның езілген халқына қарсы жасаған көптеген қылмыстары себепті міндетті түрде сотталуы керектігін айтып, Америка үкіметін басып алушы режимнің саясаттары үшін жауапты деп санап: "Көптеген мәліметтерге қарағанда, сионистік режимнің қазіргі саясатының саясаткерлері мен реттеушілері америкалықтар болып табылады және Америка бұл мәселеде жауапты және өз жауапкершілігін мойындауы керек",- деп мәлімдеді. Аятолла Хаменеи Газа секторын бомбалауды тез арада тоқтату керектігін баса айтып, ислам елдеріндегі мұсылман халықтарының, тіпті Америка мен Еуропадағы мұсылман еместердің бас қосуын халықтардың сионистік топтардың қылмыстарына қатты ашулануының белгісі деп атап: "Бұл қылмыстар жалғаса берсе, мұсылмандар мен қарсыласу күштері шыдамсызданып, оларды ешкім тоқтата алмайды",- деп баса айтты.
Ислам революциясының жетекшісі: «Әрине, сионистік режим не істесе де, «әл-Ақса дауылы» операциясындағы масқара сәтсіздігінің орнын толтыра алмайды",- деді.
