Сақшылар корпусының әуе-ғарыш күштерінің қолбасшысы: Иран кез келген жағдайға дайын
Ислам революциясының Сақшылар корпусы әуе-ғарыш күштерінің қолбасшысы: "Еш қай ел Иранға сес көрсететіндей жағдайда емес. Біз күш-қуаттың шыңына жеттік. Кез келген жағдайға дайынбыз",-деді.
Iran Press ақпарат агенттігінің хабарлауынша, сардар Амирәли Хаджизаде бүгін таңертең Теһранның шәһид Реджаи атындағы университетінде шәһид Теһранимұқаддамды еске алу конгресінің аясында АҚШ-тың Иранға сес көрсеткені туралы кейбір қауесеттер туралы: "Америкалықтар Иранға қоқан-лоқы жасамайды. Олар кейде хат жазады. Бір түнде Иранға үш рет хат жазған кезі болды. Хаттардың бәрі өтініш тілімен жазылған",-деді.
Сақшылар корпусының әуе-ғарыш күштерінің қолбасшысы Газа соғысының таралу ықтималы туралы: "Бүгінде соғыс аумағы ұлғайды. Ливан соғысқа араласты. Қақтығыстар шегі одан ары арта түсуі мүмкін. Болашақ бұлыңғыр, бірақ Иран кез келген жағдайға дайын",-деді.
