Иран мен Катар Сыртқы істер министрлері Газадағы жағдай туралы телефон арқылы кеңесті

Иран мен Катар Сыртқы істер министрлері телефон арқылы сөйлескен кезде Газаға қарсы соғыс қылмыстарын дереу тоқтатып, Палестина халқына жедел көмек көрсету қажеттігін қуаттады.

Iran Press ақпарат агенттігінің хабарлауынша, Хұсейн Амирабдуллахиан мен шейх Мұхаммад Бин Абдуррахман әл-Тани кеше кешке (сейсенбі) телефон арқылы Палестинаға қатысты соңғы өзгерістер мен сионистік режимнің Газаға қарсы жалғасып жатқан басқыншылығы туралы сөйлесті.

ИИР мен Катар Сыртқы істер министрлері Газадағы геноцидтің жалғасуы мен аса қиын гуманитарлық жағдайды талқылап, Газаға қарсы соғыс қылмыстарын дереу тоқтатып, Палестинаның баспанасыз халқына жедел көмек көрсету қажеттігін қуаттады. Екі елдің сыртқы істер министрлері сионистік режимнің Газаға қарсы аяусыз агрессиясын тоқтатуға бағытталған талпыныстар мен дипломатиялық бастамалардың соңғы жағдайы туралы да пікір алмасты.