Канани: Американың аймақтағы лаңкестік әрекеттері сионистік режимнің мақсаттарына сәйкес келеді
ИИР Сыртқы істер министрлігінің баспасөз хатшысы америкалық лаңкестердің (Centcom) Ирактың халықтық мобилизациясы жетекшілерінің бірінің шәһид болуына байланысты әрекетін Америка үкіметінің сионистік режимнің Палестина халқына қарсы қылмыстарын толық қолдауының жалғасуы деп санады.
Iran Press ақпарат агенттігінің хабарлауынша, Насер Канани Чафи кеше лаңкестікке қарсы қарсыласу күштерінің бірнеше мүшесінің, соның ішінде лаңкестікпен және ДАИШ-пен күрестің жоғары қолбасшыларының бірі Әбу Бәкір әл-Саадидің шәһид болуына әкелген Америка үкіметінің Ирак ішіндегі лаңкестік әрекетін қатаң айыптады және мұны америкалық мемлекеттік лаңкестіктің айқын мысалы, сондай-ақ Ирактың ұлттық егемендігі мен аумақтық тұтастығын бұзу және халықаралық заңдар мен ережелерге қайшы деп санады.
Иран дипломатиялық қызметінің баспасөз хатшысы Ирак халқы мен үкіметі мен осы қымбатты шәһидтердің отбасына көңіл айта отырып: "Американың мұндай авантюраларын жалғастыруы аймақтық және халықаралық бейбітшілік пен қауіпсіздікке қатер төндіреді",- деп мәлімдеді.
Насер Канани Чафи халықаралық қауымдастық пен Біріккен Ұлттар Ұйымы Қауіпсіздік Кеңесінің АҚШ-тың аймақтағы заңсыз және біржақты әрекеттері мен шабуылдарына тосқауыл қою және дағдарыс пен тұрақсыздыққа жол бермеудегі жауапкершілігін тағы да қуаттады.
