Иран Ислам Республикасының тұрақтылығы халықтың қатысуымен
Имам Хаменеи президенттік сайлау күні берген сұхбатында: «Ислам республикасы жүйесінің жарамдылығы мен тұтастығын дәлелдеу үшін халықтың қатысуы қажет және парыз",- деді.
Ислам революциясының жетекшісі аятолла Хаменеи президенттік сайлаудың 14-ші мерзіміне дауыс берудің алғашқы минуттарында имам Хомейнидің Хосейниясындағы №110 жылжымалы сайлау учаскесіне қатысып, дауыс берді.
Pars Today агенттігінің хабарлауынша, Иран Телерадио бірлестігі тілшісінің бұл күн мен дауыс берудің маңыздылығын түсіндірудегі сұрағына жауап ретінде ол біз осы жерде талқылайтын кейбір ойларды айтты:
بسم الله الرّحمن الرّحیم
Аса Мейірімді және Рақымды Алланың атымен
Сүйікті халқымыз үшін Алла Тағаладан ең жақсы күндер мен жылдарды және ең жоғары нығметтерін тілеймін.
Сайлау күні біз ирандықтар үшін қуаныш күні. Әсіресе, сайлау президентті таңдауға арналса, елдің болашағы халықтың осы таңдауымен айқындалады. Дегенмен, менің ойымша, бұдан басқа маңызды мәселе бар, ол – халықтың ынта-жігерімен қатысуы және сайлаушылар санының артуы. Бұл Ислам Республикасы үшін нақты қажеттілік.
Ислам Республикасы халықтың қатысуымен тұрақты. Ислам республикасы тіркесіндегі «республика» сөзі халықтың болуы осы жүйенің мәніне енгенін көрсетеді. Демек, Ислам республикасының тұрақтылығы мен Ислам республикасының абыройы мен Ислам республикасының әлемдегі беделі халықтың қолдауына байланысты. Сондықтан да қадірменді халқымызға дауыс беру мәселесіне байыппен қарап, маңызды саяси сынаққа қатысуға кеңес береміз. Бұл маңызды нәтиже беретін оңай тапсырма.
Ислам республикасы жүйесінің дұрыстығы мен адалдығын дәлелдеу үшін халықтың қатысуы қажетті және уәжіп іс. Алла қаласа, осы ел үшін ең жақсы, ең пайдалы таңдауды таңдап, алдағы жылдар да жақсы, қолайлы жылдар болып, халықтың өз таңдауына риза болуын тілеймін.
والسّلام علیکم و رحمةالله و برکاته
Ассаламу алеикум уа рахматуллахи уа баракатух.
