Қазақстанда «Иран мәдениеті, өнері және өркениеті» көркем-музыкалық бағдарламасы өтті
Қазақстан Өнер университетінде «Иранның мәдениеті, өнері және өркениеті» атты көркем-музыкалық бағдарлама өтті.
«Иран мәдениеті, өнері және өркениеті» атты көркем-музыкалық бағдарлама Қазақстандағы Өнер университетінің орган залында Иранның Қазақстандағы мәдениет жөніндегі кеңесшісі Әлиакбар Талеби Матин, ҚР Ұлттық Өнер университетінің профессоры Раушан Нуртаза, түрлі кафедралардың қызметкерлері, осы университеттің профессорлары және көптеген студенттердің қатысуымен өтті.
Pars Today хабарлауынша, дәстүрлі музыка шеберханасы түрінде өткен өнерлері кезінде Иранның әртүрлі аймақтарының жергілікті музыкасын ойнау арқылы олар қолданатын әр музыкалық аспаптың тарихын, астарын және құрылымын әдемі және көркем түрде таныстырды.
Иранның суретші-профессорларының акварель суретінің көрмесі мен шеберханасы осы бағдарламаның тағы бір бөлігі болып, студенттердің ирандық кескіндеме өнеріне деген қызығушылығын тудырды. Осы бағдарламаның жалғасы ретінде Астана ұлттық өнер университетінің президенті мен Иран Ислам Республикасының Қазақстандағы мәдени кеңесшісі арасында мәдени және өнер саласындағы өзара меморандумға қол қойылды.
Иранның мәдени кеңесімен ынтымақтастық туралы меморандумға қол қою рәсімінде Қазақстанның Астана ұлттық өнер университетінің басшысы үмітін білдірді: «Осы меморандумға қол қою арқылы Иранмен мәдени және өнер саласындағы ынтымақтастық дамып, осы университеттегі «Иранның мәдениеті, өнері және өркениеті» бағдарламасы қарым-қатынастарды дамыту жолындағы алғашқы қадам болмақ».
