Иран Сыртқы істер министрлігінің баспасөз хатшысының Израильдің кибер терроризміне реакциясы: Бұл жаһандық қауіп
Иран Сыртқы істер министрлігінің баспасөз хатшысы сионистік режимнің байланыс жүйелерін жарып, Ливан азаматтарын нысанаға алуын жаппай өлтірудің мысалы деп атады.
Насер Канани, Иран Сыртқы істер министрлігінің баспасөз хатшысы: «Ливандағы лаңкестік әрекеттер сионистік режим мен олардың жалдамалы агенттерінің бірлескен операцияларының жалғасы ретінде жүзеге асырылды және барлық моральдық және гуманитарлық принциптерге, халықаралық құқыққа, әсіресе халықаралық гуманитарлық құқыққа қайшы келеді және оған халықаралық қылмыстық қудалау, сот және жаза қолданылуы керек»,- деді.
Pars Today ақпарат агенттігінің хабарлауынша, Канани былай деп қосты: «Бұл біріккен лаңкестік әрекет, шын мәнінде, жаппай өлтірудің бір түрі болып табылатын сионистік режимнің Палестина халқына қарсы соғыс қылмыстары мен геноцид жасауымен қатар, аймақтық және халықаралық бейбітшілік пен қауіпсіздікке үлкен қауіп төндіретінін тағы бір айқын дәлелдейді». Ол: «Сондықтан бұл режимге қарсы лаңкестік әрекеттермен және оның тудырған қоқан-лоққыларымен күресу айқын қажеттілік және сионистік қылмыстық биліктердің жазасыз қалуына қарсы тұру үшін халықаралық қауымдастықтың жедел әрекет етуі қажет»,- деп баса айтты.
Осы ретте Иранның БҰҰ-дағы елшісі әрі тұрақты өкілі Амир Саид Ирвани Израильдің Ливандағы кибер лаңкестік әрекетін айыптап: «Израиль режимі осы сұмдық қылмыс пен басқыншылық үшін жауап беруі керек»,- деді. Сейсенбі күні кешке БАҚ Ливанның бірнеше аймағында бірнеше байланыс құрылғыларының жарылғанын хабарлады. Ливан Денсаулық сақтау министрлігінің мәлімдемесіне қарағанда, бұл лаңкестік әрекетте 2750 адам жараланып, 11 адам шәһид болды.
